ARAUDIA
1. EGUNA ETA LEKUA: EUSKAL HERRIA MENDI ERRONKA (EHME) mendi lasterketa 2013ko ekainaren 1ean ospatuko da eta goizeko 7:00etan hasiko da. Irteera eta helmuga Leitzako (Euskal Herria) plazan izango da.
2. IBILBIDEA: LEITZA-GURATZ-GORRITI-ARRIBE-GAINTZA-HIRUMUGARRIETA-ALBI-ARTXUETA-LEKUNBERRI-ETXARRI-IREBER-KORNIETA-LEITZA izango da. 60 km eta 3.000 metro gora izango ditu. Neurketak ez daude homologatuta.
3. PARTE- HARTZEA: Araudi honek dioena betez gero, 18 urtetik gorako kirolari orok parte hartu ahal izango du, federatua izan edo ez. Antolakuntzak, proba aurretik, azterketa mediku bat egitea gomendatzen die parte-hartzaile guztiei, eta parte-hartzaileek bere gain hartuko dute proban gerta liezaikeena.
4. EZINBESTEKO MATERIALA:
4.1. Haize-babesgarria.
4.2. Bisera edo buffa.
4.3. EGURALDI TXARRA IZANEZ GERO
4.3.1. Euritarako eta transpirablea den kapeladun jaka, mendian eguraldi hotza jasateko balio dueña.
4.3.2. Maila piratak.
4.3.3. Bigarren kapa termikoa.
4.3.4. Eskularruak.
4.4. Derrigorrezkoa izango da ezinbesteko materiala osoa dortsala jasotzerakoan aurkeztea.
5. KATEGORIAK: (Proba ospatzen den egunean duten adina)
5.1. GIZONEZKOAK
5.1.1. Seniorrak: 18 urtetik gorakoak.
5.1.2. Beteranoak: 45 urtetik gorakoak.
5.2. EMAKUMEZKOAK
5.2.1. Seniorrak: 18 urtetik gorakoak.
5.2.2. Beteranoak: 40 urtetik gorakoak.
6. TXAPELKETAK:
6.1. BANAKAKO EHME TXAPELKETA
6.1.1. Parte-hartzaile guztientzat da.
6.1.2. Gizonezkoak zein emakumezkoak.
6.2. KLUB MAILAKO EHME TXAPELKETA
6.2.1. Federatuta dauden kluben arteko lehiaketa da , eta , hortaz, aurtengo mendi federazioko lizentzia dutenentzat.
6.2.2. Klubek, gutxienez, 4 kide izan beharko dituzte, eta horien artean neska bat, derrigor.
6.2.3. Kluben arteko sailkapenerako, klub bakoitzeko 4 denbora onenak hartuko dira, beti ere neskarena barruan delarik.
6.3. KM BERTIKALA EHME TXAPELKETA
6.3.1. Parte-hartzaile guztientzat da.
6.3.2. Gizonezkoak zein emakumezkoak.
6.3.3. Gaintza-Hirumugarrieta zatian izango da.
6.3.4. EHME probako ibilbide osoa bukatu beharko da.
6.4. EUSKAL HERRIKO BANAKAKO TXAPELKETA
6.4.1. Euskal Herrian erroldatutako kirolarientzat bakarrik da.
6.4.2. Gizonezkoak zein emakumezkoak.
6.5. KLUB MAILAKO EUSKAL HERRIKO TXAPELKETA
6.5.1. Mendian federatutako Euskal Herriko kluben arteko txapelketa da, eta, hortaz, aurtengo mendi federazioko lizentzia dutenentzat.
6.5.2. Klubek, gutxienez, 4 kide izan beharko dituzte, eta horien artean neska bat, derrigor.
6.5.3. Kluben arteko sailkapenerako, Klub bakoitzeko 4 denbora onenak hartuko dira, beti ere neskarena barruan dela.
7. SARIAK: Maila bakoitzeko 1. sailkatuentzat txapela eta kopa eta 2. eta 3. sailkatuentzat, kopa bana. Horrez gain, antolakuntzak lortzen dituen opariak ere izango dira.
8. IZEN-EMATEA: Gehienez, 500 parte-hartzaile izango dira, eta izen-emate ordena zorrotz jarraituko da Internetez, herrikrossa.com orriaren bidez egingo da, urtarrilaren 7tik maiatzaren 6ra. Federatuek 50 ? ordaindu beharko dituzte, eta federatu gabeek 55 ?. Ordainketak, proban parte hartzeko, eskubidea eta erantzukizun zibil eta istripuena izateko eskubidea ematen du, eta, halaber, parte-hartzaileentzat jarritako kirol instalazioak erabili, korrikalariaren poltsa, finisher kamiseta eta proba amaierako afari herrikoia hartzeko ere bai.
9. SEINALIZAZIOA: Ibilbidea, probaren kartelekin eta zintarekin behar bezala markatuta eta ikusgai egongo da.
10. KONTROLAK: Antolakuntzak hainbat kontrol-gune jarriko ditu, eta horietatik pasatzea ezinbestekoa izango da. Horietan, araututako kontrolak egingo dira.
11. ANOA GUNEAK: Helmugakoaz gain, 9 anoa gune izango dira. Gune horietan energetikoak eta hidratatzaileak diren produktoak eskainiko dira.
12. KONTROL BAKOITZEKO DENBORAK: Helmugan sartzeko gehinezko denbora 13 ordukoa izango da.
12.1. Antolakuntzako arduradunek kontrol guneetan aurrez ezarritako denbora aurreikuspenak betetzen ez dituzten kirolariak probatik kanpo uzteko eskubidea izango dute. Halaber, araudia betetzen ez duena, markatutako ibilbide osoa osatzen ez duena , dortsala ikusgai ez daramana, antolatzaileen aholkuei kasurik egiten ez diena edo beste kirolariekiko errespetu falta erakusten duena ere probatik kanpo utz dezake antolakuntzak.
13. KRONOMETRAJEA: Lasterketaren kronometrajea txiparen bidez egingo da. Parte-hartzaileek sailkapenak jarri ondoren, 30 minutu izango dituzte erreklamazioak jartzeko, denbora hori igaro ondoren, erreklamaziorik ez balego, sailkapenak behin betikoak izango dira.
14. DORTSALEN BANAKETA: Dortsalen banaketa Leitzako plazan egingo da, 2013ko maiatzaren 31n, ostirala, 18:00etatik 20:00etara, eta probaren egun berean, 05:00etatik 06:00etara, leku berean.
15. INGURUGIROA: Lasterketa, ia osotasunean, naturgune zoragarri batean zehar korrituko da. Hori dela eta, ingurua babestea derrigorrezkoa izango da eta debekatuta egongo da edozer gauza lurrera botatzea.
15.1. Horretarako zaborra biltzeko tresnak jarriko dira anoa gune amaiera guztietan.
15.2. Arau hau hausten duena deskalifikatua izango da.
16. OSASUN ZERBITZUA: Antolakuntzak Larrialditarako osasun zerbitzua jarrito du ibilibideko lekurik estretegikoenetan. Halaber, helmugan dutxa, garbiketa eta lehen mailako zerbitzu medikua eskainiko ditu, horren beharrean aurkitzen diren kirolariarentzat.
17. SEGURITATEA: Antolakuntzak, egoerak hala eskatuta, lasterketaren ibilbidea aldatzeko eta dagozkion gainerako aldaketak egiteko eskubidea du, eta baita bertan behera uzteko ere, eguraldiaren baldintzek hala eskatzen badute edo arrazoi nagusi batengatik, lasterketa batzordearen adostasunarekin.
18. LAGUNTZA EZBEHARRETAN : Parte-hartzaileak, laguntza beharrean aurkitzen diren parte-hartzaileei laguntzera behartuta daude, eta baita kontroletan gorabeheren berri ematera ere.
19. ERANTZUKIZUNA: Antolakuntzak bere gain hartuko ditu zirkuito barruan gertatzen diren istripu guztiak, baina korrikalariaren erruagatik eta utzikeriagatik izan bada istripua, antolakuntzak ez du bere gain hartuko. Parte-hartzaileak euren buruei edo besteei egindako kalte guztien erantzule izango dira.